के कसैलाई कसैले वरदान या श्राप दिनु सम्भव छ? ओ३म्.. वरदान र श्राप दिन संभव छ तर हामीले पुराणहरुमा पढेको या सुनेको जस्तो (जाऊ अब तिमीलाई कसैले मार्न सक्दैन, तिमि अमर भयौ।) हैन। सृष्टि नियम विरुद्धको कुनै पनि वरदान या श्राप गलत हो। यस्तो वरदान हुँदैन। प्रकृतिको नियम विरुद्ध जुनसुकै कुरा पनि न वरदान हुन्छन् र न श्राप। सृष्टि नियम अनुकूल वरदान पनि हुन्छन् र श्राप पनि। आशीर्वादको नाम नै वरदान हो।ऋषि-मुनिहरुले भन्दछन्:- अभिवादनशीलस्य नित्यं वॄद्धोपसेविन:। चत्वारि तस्य वर्धन्ते आयुर्विद्या यशो बलम् ॥ अर्थात्, “जसले मान्यजनहरुको आदर तथा सम्मान गर्दछ, माता-पिता तथा गुरुजनहरुको श्रद्धापूर्वक आदेश पालन गर्दछ, उनको सेवा गर्दछ, त्यसका चार वस्तु बढ्छन्, ति हुन्- आयु, विद्या, यश र बल।” माता-पिता तथा गुरुजनहरुले त्यसलाई आशिर्वाद दिन्छन् कि आयु लामो होस्, … Continue reading के कसैलाई कसैले वरदान या श्राप दिनु सम्भव छ? →

विकासवाद विज्ञान या परिकल्पना..? ओ३म्   विकासवादको वैदिक सिद्धान्त अपनाउँदै डार्विनको तथाकथित् विकासवादलाई हाम्रा समस्त पाठ्यक्रम बाट बाहिर निकालेर मिल्काउने र पाठ्यक्रमको समयानुकुल सुधार गरि नेपालको नव-निर्माणमा अंतत: विद्वानहरुले नै जमर्को गर्नु पर्ने बेला आएको छ। यसका लागि विकासवादमा यदि एक स्वस्थ बहस चल्छ भने वैज्ञानिकहरुलाई कुनै पनि किसिमको आपत्ति हुनुहुँदैन। यदि देशलाई समुन्नतीको मार्गमा लग्नु छ भने अहिले देशमा विकासवादको बारेमा पनि चर्चा-परिचर्चा किन नहुने..? संसारमा विकासवाद बारे बहस चल्दैछ। असंख्य विज्ञानी छन् जसले यस किसिमको खुट्टा माथि उठाएर टाउकाले टेकेर हिड्ने विकासवादलाई मान्दैनन र यसको खण्डन गर्दछन्। तर्क, अनुभव र प्रयोगशालाहरुमा विकासवाद प्रमाणित पनि हुन सक्दैन भने फेरी यस्तो विवादित परिकल्पनालाई एक निश्चित सिद्धांतको रूपमा विद्यार्थीहरुलाई रटाउनुको औचित्य के छ..? यदि देशका विज्ञानिहरु तथा बुद्धिजीविहरुले विगतमा यस बारे … Continue reading विकासवाद विज्ञान या परिकल्पना..? →

डार्विनको विकासवाद एक नास्तिक सिद्धांत -३ (अन्तिम भाग) ओ३म्.. सिद्धान्ति: मनुष्य कसरि बन्यो त? विकासवादी: बाँदर बाट। सिद्धान्ति: बाँदर र मनुष्यमा पनि भारी अन्तर छ। शारीरिक रचनाका साथ साथ मन, बुद्धि, वाणी आदिको पनि अभाव छ। भन्नुस त, बाँदर जो रुख-वृक्ष, तथा ढिक-काल्नामा उफ्रिने-कुद्ने गर्दछन्, तिनमा बुद्धि तथा वाणी आदि कसरि विकसित भयो? को जिम्मेवार छ? र त्यसको पुच्छर नै लुप्त किन भयो? विकासवादी: प्रकृतिलाई देखि-देखि बुद्धि तथा वाणी विकसित भयो। सिद्धान्ति: वाह..! आज पनि धरतीमा अनेकौं त्यस्ता मनुष्य जाति रहन्छन्, जो मनुष्य त हुन् तर नपढेर उनको बुद्धि आउँदैन। तिनीहरु प्रकृतिलाई देखेर बुद्धिमान किन हुँदैनन्? हजारौं वर्ष देखि मुर्ख नै किन छन्? फेरी बाँदर बाट मनुष्य बनेर बुद्धिमान हुने कुरो मान्नु त “मैले मनुष्यका सिङ बाट बनेका आभूषण किनेको … Continue reading डार्विनको विकासवाद एक नास्तिक सिद्धांत -३ →

डार्विनको विकासवाद एक नास्तिक सिद्धांत हो (भाग-२) ओ३म्.. सिद्धान्ति: फेरी के भयो? विकासवादी: फेरी माछा आदि जिवहरु आफ्नो शरीर देखि केहि संतुष्ट थिएनन् र ति प्राकृतिक परिवेशबाट प्रभावित हुँदा-हुँदा करोडौं वर्षमा कछुवा आदि बने। सिद्धान्ति: ओहो..! कस्तो अचम्म..! माछा र कछुवाको शरीरमा आकास-पातालको अन्तर छ, र फेरी माछाहरु आज पनि छन् र कछुवा पनि।तपाइँ यो त भन्नुस् जीवहरुको शरीर बुद्धिपूर्वक बनेका छन् कि छैनन्? विकासवादी: अँ हो, त्यो त छ। सिद्धान्ति: भन्नुस् त यो बुद्धि कस्तो हो? ईश्वर त तपाइले मान्नु नै हुन्न। प्राकृतिक भनेर नभन्नु होला किनकि त्यो जड छ। माछामा यस्तो बुद्धि छैन जो आफ्नो बुद्धिले कछुवा बन्न सकोस्।र फेरी माछालाई आफ्नो शरीर संग के आपत्ति थियो र ऊ कछुवा बन्न चाहन्थ्यो? माछा केवल जलमा सास लिन सक्छ … Continue reading डार्विनको विकासवाद एक नास्तिक सिद्धांत- भाग-२ →

डार्विनको विकासवाद एक नास्तिक सिद्धांत हो (भाग-१) ओ३म्.. डार्विनको सिद्धान्तमा केहि प्रश्नोत्तर :- सिद्धान्ति: आरम्भमा के थियो? विकासवादी: आरम्भमा केवल परमाणु आदि थिए, जुन समुद्र तलमा संयोगवश जोडीए र ससाना कोशिका (अमीबा) को निर्माण गरे, जुन चेतन (कनसियस ) थिए। सिद्धान्ति: परमाणु जड हुन् या चेतन (जसमा बुद्धि, सुख, दुःख, राग, द्वेष तथा इच्छादि गुणहरु हुन्छन् त्यो चेतन हुन्छ जसमा यी हुँदैनन्, त्यो जड)? विकासवादी: परमाणु जड हुन्। सिद्धान्ति: यदि परमाणु जड हुन् भने त्यसैको संयोगले बनेका वस्तुमा चेतनता कहाँबाट आयो? जस्तो गुणधर्म जड वस्तु (कारण द्रव्य) को हुन्छ, त्यस्तै गुणधर्म अमीबा (कार्य द्रव्य) मा हुनु पर्ने।जस्तै- घैटो माटोबाट बन्दछ र माटो (सिलिका) का एक-एक परमाणु संग मिलेर बन्दछ, परमाणु जड, माटो जड र घैटो पनि जड छ, यसैगरि कुनै … Continue reading डार्विनको विकासवाद एक नास्तिक सिद्धांत हो →

मार्क्सवाद र धर्म  ओ३म् “Religion cannot be stopped. Conscience cannot be stilled. Religion is a matter of conscience and conscience is free. Worship and religion are free” (Stalin to Dean of Canterbury.) अर्थ: “धर्मलाई रोक्न सकिन्न। अन्तरात्मा या हृदयलाई दबाउन सकिन्न। धर्म त हृदयको वस्तु हो र हृदय स्वतन्त्र छ। त्यसैले पूजा र धर्म स्वतन्त्र छन्।” (स्टालिनको उत्तर)। यही एक प्रमुख कारण हो जसले गर्दा मार्क्सवादमा धर्मको विरोध पाइन्छ। धर्मलाई मानवसमाजका लागि अफीम (Religion is the opium of the people) भन्नुको यही असली कारण हो।किनकि शोषित-पिडितहरु माथि तथाकथित धर्माचार्यहरुको जादूको छडी अति सिघ्र चल्छ र उनको उत्थानका लागि हुने सारा यत्न बेकार झैं हुन्छन्। यस्तो समस्या हुन्छ कि के भनौं र खै..! हामी मान्छौं कि धर्मको सम्बन्धमा मार्क्सवादको एक निश्चित … Continue reading मार्क्सवाद र धर्म →