मार्क्सवाद र धर्म
ओ३म्
अर्थ: “धर्मलाई रोक्न सकिन्न। अन्तरात्मा या हृदयलाई दबाउन सकिन्न। धर्म त हृदयको वस्तु हो र हृदय स्वतन्त्र छ। त्यसैले पूजा र धर्म स्वतन्त्र छन्।” (स्टालिनको उत्तर)।
यही एक प्रमुख कारण हो जसले गर्दा मार्क्सवादमा धर्मको विरोध पाइन्छ। धर्मलाई मानवसमाजका लागि अफीम (Religion is the opium of the people) भन्नुको यही असली कारण हो।किनकि शोषित-पिडितहरु माथि तथाकथित धर्माचार्यहरुको जादूको छडी अति सिघ्र चल्छ र उनको उत्थानका लागि हुने सारा यत्न बेकार झैं हुन्छन्। यस्तो समस्या हुन्छ कि के भनौं र खै..!
हामी मान्छौं कि धर्मको सम्बन्धमा मार्क्सवादको एक निश्चित कुरो छ र परिपक्क मार्क्सवादीहरु यस बिषयमा आधारभूत रुपमा अलग हुने गर्दछन् र कुनै छुट दिन तयार नै हुँदैनन्। लेनिनले धर्म सम्बन्धि आफ्नो एक लेखमा भनेको छ कि “मार्क्सवाद त भौतिकवाद हो, त्यसै कारण उसले क्रुरताका साथ धर्मको विरोध गर्दछ|” (Marxism is materialism. As such it is ruthlessly hostile to religion) तर आत्तिनु पर्ने कुनै कुरो छैन। यदि अन्तर्मनले विचार गर्नेहो भने थाह हुन्छ कि यसको जरोमा अर्कै कुरो छ। सबै सिद्धांतको स्थापना र प्रतिपादनको मूलमा केहि खास वस्तुगत परिस्थितिहरु रहेका हुन्छन् र यदि हामीले तिनमा ध्यान दिएनौं भने त महाभूल गर्न सक्छौं।
• मार्क्सवादको मूल सिद्धांत द्वन्द्ववाद (Dialectics) हो र यदि यसको अबाध प्रयोग गरियो र अर्को कुरो नै भएन भने त श्रेणीविहीन समाज बने पछी पनि यो द्वन्द्ववाद त चली नै रहने छ। यसको परिणाम के होला; कल्ले भन्ने?
• यदि द्वन्द्ववाद बाट प्रगति हुन्छ भने यो मान्नै पर्ने हुन्छ कि वर्गविहीन समाजले समस्त प्रगतिका साधनहरुबाट पूर्ण रूपेण संपन्न हुने हुनाले अधिक उन्नति गर्ने छ, सबै प्रकारको उन्नति- शारीरिक, मानसिक, वैज्ञानिक आदि| जसको फलस्वरूप के-के अज्ञात तत्त्वहरु विदित हुने हुन्; यो कल्ले भन्ला?
• मार्क्सवाद त श्रेणीविहीन समाज सम्म नै रोकिन्छ। यथार्थ कुरो के हो भने ज्ञानको ठेकेदारी लिनु राम्रो हुँदैन; यो बुद्धिमानी मानिन्न।
• यदि उस समय ईश्वर या आत्माको कुरो अवगत भयो भने के केवल यसकारणले नकारिएला कि मार्क्सवादले यसलाई मान्दैन?
भविष्यको झमेलोमा कोहि नपरौं र उसको मार्ग पनि कसैका लागि बन्द नगरौं; बुद्धिमानी यसैमा छ | चाहे कोहि ईश्वरवादी बनोस् या अनीश्वरवादी नै रहोस्। अँ, आज-भोलि समाजमा प्रचलित तथाकथित् ईश्वरवाद भने प्रगतिको बाधक छ। किनकि जुन सृष्टिको समस्त सत्य विद्याको भण्डार वेदलाई नकारिदै छ, सनातन वैदिक संस्कृतिलाई नष्ट गर्ने चाल रचिदै छ, त्यसैले यस्तो खाले ईश्वरवाद या धर्म टिकिरहन असंभव छ र यसको बिरोध उचित पनि छ| अज्ञानता नै हाम्रो बाधक बनेको छ..! जसलाई ज्ञानस्वरूप भनिन्छ त्यहि नै ज्ञानप्रसारको विरोधी छ..! मानौं या नमानौं तर स्थिति केहि यस्तै नै अढंगको छ।त्यसैले प्रगति चाहनेहरुको सारा शक्ति लगाएर यसलाई क्रुरताका साथ विरोध गर्नु पर्दछ| यस्तो गरौँ कि कुनै पनि किसिमले ऊ हाम्रो मार्गको वाधा नबनोस्। अस्तु..