Manu Smriti-The Great Vedic Kosh

Language

HINDI
ENGLISH
MARATHEE
GUJARATI
TELGU
ODIYA

QUICK LINKS

HOME >> CHAPTER HEADING >> SHLOK

8. राजधर्मान्तर्गत व्यवहार-निर्णय

यस्तु रज्जुं घटं कूपाद्धरेद्भिन्द्याच्च यः प्रपाम् ।स दण्डं प्राप्नुयान्माषं तच्च तस्मिन्समाहरेत् ।।8/319

धान्यं दशभ्यः कुम्भेभ्यो हरतोऽभ्यधिकं वधः ।शेषेऽप्येकादशगुणं दाप्यस्तस्य च तद्धनम् ।।8/320

तथा धरिममेयानां शतादभ्यधिके वधः ।सुवर्णरजतादीनां उत्तमानां च वाससाम् ।।8/321

पञ्चाशतस्त्वभ्यधिके हस्तच्छेदनं इष्यते ।शेषे त्वेकादशगुणं मूल्याद्दण्डं प्रकल्पयेत् ।।8/322

पुरुषाणां कुलीनानां नारीणां च विशेषतः ।मुख्यानां चैव रत्नानां हरणे वधं अर्हति ।।8/323

महापशूनां हरणे शस्त्राणां औषधस्य च ।कालं आसाद्य कार्यं च दण्डं राजा प्रकल्पयेत् ।।8/324

गोषु ब्राह्मणसंस्थासु छुरिकायाश्च भेदने ।पशूनां हरणे चैव सद्यः कार्योऽर्धपादिकः ।।8/325

सूत्रकार्पासकिण्वानां गोमयस्य गुडस्य च ।दध्नः क्षीरस्य तक्रस्य पानीयस्य तृणस्य च ।।8/326

वेणुवैदलभाण्डानां लवणानां तथैव च ।मृण्मयानां च हरणे मृदो भस्मन एव च ।।8/327

मत्स्यानां पक्षिणां चैव तैलस्य च घृतस्य च ।मांसस्य मधुनश्चैव यच्चान्यत्पशुसंभवम् ।।8/328

अन्येषां चैवमादीनां मद्यानां ओदनस्य च ।पक्वान्नानां च सर्वेषां तन्मुल्याद्द्विगुणो दमः ।।8/329

पुष्पेषु हरिते धान्ये गुल्मवल्लीनगेषु च ।अन्येष्वपरिपूतेषु दण्डः स्यात्पञ्चकृष्णलः ।।8/330

परिपूतेषु धान्येषु शाकमूलफलेषु च ।निरन्वये शतं दण्डः सान्वयेऽर्धशतं दमः ।।8/331