Manu Smriti-The Great Vedic Kosh

Language

HINDI
ENGLISH
MARATHEE
GUJARATI
TELGU
ODIYA

QUICK LINKS

HOME >> CHAPTER HEADING >> SHLOK

7. राजधर्म विषय

अलब्धं चैव लिप्सेत लब्धं रक्षेत्प्रयत्नतः ।रक्षितं वर्धयेच्चैव वृद्धं पात्रेषु निक्षिपेत् ।।7/99

एतच्चतुर्विधं विद्यात्पुरुषार्थप्रयोजनम् ।अस्य नित्यं अनुष्ठानं सम्यक्कुर्यादतन्द्रितः ।।7/100

अलब्धं इच्छेद्दण्डेन लब्धं रक्षेदवेक्षया ।रक्षितं वर्धयेद्वृद्ध्या वृद्धं पात्रेषु निक्षिपेत् ।।7/101

नित्यं उद्यतदण्डः स्यान्नित्यं विवृतपौरुषः ।नित्यं संवृतसंवार्यो नित्यं छिद्रानुसार्यरेः ।।7/102

नित्यं उद्यतदण्डस्य कृत्स्नं उद्विजते जगत् ।तस्मात्सर्वाणि भूतानि दण्डेनैव प्रसाधयेत् ।।7/103

अमाययैव वर्तेत न कथं चन मायया ।बुध्येतारिप्रयुक्तां च मायां नित्यं सुसंवृतः ।।7/104

नास्य छिद्रं परो विद्याद्विद्याच्छिद्रं परस्य च ।गूहेत्कूर्म इवाङ्गानि रक्षेद्विवरं आत्मनः ।।7/105

बकवच्चिन्तयेदर्थान्सिंहवच्च पराक्रमे ।वृकवच्चावलुम्पेत शशवच्च विनिष्पतेत् ।।7/106

एवं विजयमानस्य येऽस्य स्युः परिपन्थिनः ।तानानयेद्वशं सर्वान्सामादिभिरुपक्रमैः ।।7/107

यदि ते तु न तिष्ठेयुरुपायैः प्रथमैस्त्रिभिः ।दण्डेनैव प्रसह्यैताञ् शनकैर्वशं आनयेत् ।।7/108

सामादीनां उपायानां चतुर्णां अपि पण्डिताः ।सामदण्डौ प्रशंसन्ति नित्यं राष्ट्राभिवृद्धये ।।7/109

यथोद्धरति निर्दाता कक्षं धान्यं च रक्षति ।तथा रक्षेन्नृपो राष्ट्रं हन्याच्च परिपन्थिनः ।।7/110