Manu Smriti-The Great Vedic Kosh

Language

HINDI
ENGLISH
MARATHEE
GUJARATI
TELGU
ODIYA

QUICK LINKS

HOME >> CHAPTER HEADING >> SHLOK

8. राजधर्मान्तर्गत व्यवहार-निर्णय

सीमायां अविषह्यायां स्वयं राजैव धर्मवित् ।प्रदिशेद्भूमिं एकेषां उपकारादिति स्थितिः ।।8/265

एषोऽखिलेनाभिहितो धर्मः सीमाविनिर्णये ।अत ऊर्ध्वं प्रवक्ष्यामि वाक्पारुष्यविनिर्णयम् ।।8/266

शतं ब्राह्मणं आक्रुश्य क्षत्रियो दण्डं अर्हति ।वैश्योऽप्यर्धशतं द्वे वा शूद्रस्तु वधं अर्हति ।।8/267

पञ्चाशद्ब्राह्मणो दण्ड्यः क्षत्रियस्याभिशंसने ।वैश्ये स्यादर्धपञ्चाशच्छूद्रे द्वादशको दमः ।।8/268

समवर्णे द्विजातीनां द्वादशैव व्यतिक्रमे ।वादेष्ववचनीयेषु तदेव द्विगुणं भवेत् ।।8/269

एकजातिर्द्विजातींस्तु वाचा दारुणया क्षिपन् ।जिह्वायाः प्राप्नुयाच्छेदं जघन्यप्रभवो हि सः ।।8/270

नामजातिग्रहं त्वेषां अभिद्रोहेण कुर्वतः ।निक्षेप्योऽयोमयः शङ्कुर्ज्वलन्नास्ये दशाङ्गुलः ।।8/271

धर्मोपदेशं दर्पेण विप्राणां अस्य कुर्वतः ।तप्तं आसेचयेत्तैलं वक्त्रे श्रोत्रे च पार्थिवः ।।8/272

श्रुतं देशं च जातिं च कर्म शरीरं एव च ।वितथेन ब्रुवन्दर्पाद्दाप्यः स्याद्द्विशतं दमम् ।।8/273

काणं वाप्यथ वा खञ्जं अन्यं वापि तथाविधम् ।तथ्येनापि ब्रुवन्दाप्यो दण्डं कार्षापणावरम् ।।8/274

मातरं पितरं जायां भ्रातरं तनयं गुरुम् ।आक्षारयञ् शतं दाप्यः पन्थानं चाददद्गुरोः ।।8/275

ब्राह्मणक्षत्रियाभ्यां तु दण्डः कार्यो विजानता ।ब्राह्मणे साहसः पूर्वः क्षत्रिये त्वेव मध्यमः ।।8/276

विट्शूद्रयोरेवं एव स्वजातिं प्रति तत्त्वतः ।छेदवर्जं प्रणयनं दण्डस्येति विनिश्चयः ।।8/277