Manu Smriti-The Great Vedic Kosh

Language

HINDI
ENGLISH
MARATHEE
GUJARATI
TELGU
ODIYA

QUICK LINKS

HOME >> CHAPTER HEADING >> SHLOK

3. समावर्तन, विवाह एवं पञ्चयज्ञविधान-विधान

कृत्वैतद्बलिकर्मैवं अतिथिं पूर्वं आशयेत् ।भिक्षां च भिक्षवे दद्याद्विधिवद्ब्रह्मचारिणे 3/94

यत्पुण्यफलं आप्नोति गां दत्त्वा विधिवद्गुरोः ।तत्पुण्यफलं आप्नोति भिक्षां दत्त्वा द्विजो गृही 3/95

भिक्षां अप्युदपात्रं वा सत्कृत्य विधिपूर्वकम् ।वेदतत्त्वार्थविदुषे ब्राह्मणायोपपादयेत् 3/96

नश्यन्ति हव्यकव्यानि नराणां अविजानताम् ।भस्मीभूतेषु विप्रेषु मोहाद्दत्तानि दातृभिः 3/97

विद्यातपःसमृद्धेषु हुतं विप्रमुखाग्निषु ।निस्तारयति दुर्गाच्च महतश्चैव किल्बिषात् 3/98

संप्राप्ताय त्वतिथये प्रदद्यादासनोदके ।अन्नं चैव यथाशक्ति सत्कृत्य विधिपूर्वकम् 3/99

शिलानप्युञ्छतो नित्यं पञ्चाग्नीनपि जुह्वतः ।सर्वं सुकृतं आदत्ते ब्राह्मणोऽनर्चितो वसन् 3/100